Случај „Икарди“: Во целата сапуница сега во игра влезе Макси Лопез! (ФОТО)

Случајот „Икарди“ продолжува, а во игра сега влегува и Макси Лопез!

На Мауро Икарди поради одолговлекувањето на потпишувањето нов договор со Интер му беше одземена капитенската лента, а од тој момент Икарди го нема во тимот на Интер. Наводно станува збор за повреда, но од Интер неодамна имаа сопштение во кое тврдеа дека се е во ред со Аргентинецот.

Голем дел од фудбалскиот свет за ова што му се случува на Икарди ја обвинуваат неговата сопруга и агент Ванда Нара која е на големо вмешана во неговата кариера.

„Ла Република“ повикувајќи се на извор од внатрешноста на клубот, поточно неименуван играч пишуваше дека Икарди е добар со сите освен со Балканците.

„Нашата соблекувална е поделена на три фракции: Италијанци, Јужноамериканци и Балканци. Мауро е добар со сите освен со Иван Перишиќ, Марсело Брозовиќ и новиот капитен Самир Хандановиќ“, стоеше во дел од објавата на „Ла Република“.

Сега „сапуницата“ добива нов актер и тоа поранешниот партнер на Ванда, Макси Лопез. Поранешниот сопруг на Ванда и најдобар пријател на Мауро Икарди сега не се да го погледне напаѓачот.

Што направил?

Макси Лопез токму во овој период кога се појавија вестите за несогласувањето помеѓу Икарди и Перишиќ го заследи Хрватот на Инстаграм, а потоа му „лајкна“ неколку фотографи, а „следењето“ веднаш беше возвратено од страна на хрватскиот фудбалер.