Скубе останува верен на Вардар до 2022 година!

Словенскиот интернационалец Сташ Скубе го продолжи договорот со Вардар, и во наредните три години ќе го носи „црвено-црниот“ дрес.

Вардар му понуди нов договор на организаторот на играта, а Скубе реши да му остане верен на европскиот шампион, па стави потпис на договор до 2022 година.

„Навистина сум среќен дека ќе го носам овој дрес уште три години! Ќе се борам за нашите цели до крај!“, изјави Скубе.

Скубе дојде на почетокот на сезоната и веднаш се наметна како една од важните алки во играта на Вардар. Сезонава во ЛШ тој постигна 59 гола, а 44 во СЕХА Газпром лигата.