Скандалозната порака на УЕФА која беше избришана

УЕФА на својот официјален профил за Лига Европа утрово објави порака поради која доби остри реакции од јавноста.

На профилот на Лига Европа беше објавено „среќен четврток“ и тоа откако Русија ја нападна Украина. Секако, објавата беше намената за натпреварите кои се играат вечерва во ова натпреварување, меѓутоаа дефинитивно не беше момент за ваква порака.

Набрзо во УЕФА ја сфатија грешката и објавата беше избришана. Инаку, на големо се најавува дека УЕФА ќе го одземе домаќинството на финалето во Лигата на шампионите од Санкт Петербург поради актуелната ситуација.

На оваа тема ќе се разговара на итниот состанок кој УЕФА го повика за утре. Најголем фаворит да го замени Санкт Петербург е Лондон.