Се чека официјална потврда: Јувентус остана без ГОЛЕМАТА ѕвезда во најважното дерби

Италијанскиот шампион Јувентус во дербито на 15. коло од Серија А, во петок, ќе се сретне против првиот тим на табелата Наполи, но речиси сигурно без својот прв напаѓач, Гонзало Игуаин кој беше подложен на операција поради фрактура во левата рака.

Игуаин не настапи во неделната домашна победа против Кротоне од 3:0, целиот натпревар го гледаше од клупата со скршена рака.

Од Јувентус не ги потврдија информациите дека Игуаин ќе го пропушти гостувањето против својот поранешен клуб, туку само објавија дека денот на неговото враќање на теренот ќе се знае во текот на следните неколку дена.

По 14 одиграни кола оваа сезона Наполи е прв на табелата со 38 бода, два повеќе од второпласираниот Интер, а четири повеќе од третиот Јувентус.