Се огласи Сампаоли: Јас сум виновен за овој кошмар!

Жорге Сампаоли поминува низ тешки моменти на клупата на Аргентина.

После очајните квалификации во кои едвај се избори за пласман на Светското првенство. Сампаоли предзвика голем број коментари со изоставувањето од репрезентацијата на Мауро Икарди и Паоло Дибала.

Во вчерашниот пријателски натпревар против Шпанија неговата репрезентација беше декласирана со 6:1, а Сампаоли целосната одговорност за овој пораз ја презема на себе.

„Моја е одговорноста за поразот. Не ги обвинувајте играчите за овој кошмар, но разликата помеѓу репрезентациите не е толку голема како што покажува резултатот. Извлековме лекција од овој пораз и сигурно нема да ни се повтори“, порача Сампаоли.

Секако, дека по овој пораз сите со нетрпение го чекаат списокот на Аргентина за Мундијалот и дали ќе биде повикан некој од Паоло Дибала и Мауро Икарди.