Официјално: Барселона доведе конкуренција на Жорди Алба

Каталонците доведуваат нов лев бек.

Барселона добива нов играч. Жуниор Фирпо денес е на медицински прегледи во Барселона и тоа е прв чекор кон комплетирањето на трансферот. Фирпо во Барселона ќе игра пет сезони, значи до 2024 година.

Бетис и Барселона се договорија и целата операција ќе биде тешка 18 милиони евра плус 7 како бонуси, а трансферот Каталонците и официјално го потврдија.

⚠ All the details about @@JuniorFirpo03, new Barça player
?? #ReadyToColor

— FC Barcelona (@FCBarcelona) August 4, 2019

Во минатата сезона Фирпо одигра 29 натпревари во сите натпреварување од кои 24 во Примера. Собра вкупно три гола и пет асистенции за 2.314 минути поминати на теренот. Станува збор за брз играч кој има големи чекори па кога ќе биде во налет изгледа како да ги „прелетува“ своите противници.

Фирпо кој е роден во Домениканската Република би требало да биде замена за Жорди Алба, но не се исклучува можноста и да го превземе местото на Шпанецот ако ги исполни очекувањата.

Овој фудбалер се поврзуваше и со Ливерпул, но на крајот Барселона успеа да стигне до неговиот потпис и тоа за многу помала сума отколку што се шпекулираше (50 милиони евра). Барса ќе го добие Фирпо за двојно помала сума и тоа седум како што споменавме ќе бидат исплатени преку бонуси.