Сензација: Роберто Карлос нов селектор на Косово?!

Репрезентацијата на Косово е во потрага по нов селектор, а откако не успеа опцијата со Блаж Слишковиќ сега медиумите во оваа земја пишуваат за две имиња.

Едната опција е легендарниот турски стратег Шенол Ѓунеш кој во 2002 година ја водеше репрезентацијата на Турција до третото место на Светското првенство, додека втората е уште попознато име.

Наводно, во игра е легендарниот бразилски фудбалер Роберто Карлос. Карлос долги години како фудбалер го носеше дресот на Бразил, а на клупски план најголемите успеси ги оствари во Реал Мадрид.

Се истакнува дека раководството на Косово го преферира Ѓунеш кој имал и понуда од Азербејџан.