Семедо осуден на пет години затвор

Португалскиот фудбалер и актуелен член на Олимпијакос, Рубен Семедо е осуден на пет години затвор.

Осуден е условно, но забрането му е влегување во Шпанија во наредните осум години и тоа поради голем број на кривични дела.

Тој додека работеше во оваа земја, каде играше за Виљареал, е осуден за кражба, напад, киднапирање и поседување оружје. Пет месеци беше зад решетки, а со кауција од 30.000 евра излезе на слобода.

Набрзо замина од Шпанија и потпиша за Олимпијакос, чиј член е и денеска, а без негово присуство се одржа судењето на кое е осуден на пет години условна затворска казна.

Семедо најголемиот дел од делата ги признал и изјавил дека тоа го направил за лице на кој му бил должен.