Севиља платила „смешна“ сума за Папу Гомез

Аргентинскиот фудбалер Папу Гомез долго време беше главна тема на Апенините.

После расправијата со тренерот Гасперини Гомез иако важеше за еден од најдобрите играчи на тимот од Бергамо беше отпишан и се чекаше да замине.

Гомез на последните натпревари воопшто не добиваше шанса, пред него имаше бројни понуди, а н крајот ја прифати онаа од Севиља.

Одличниот Аргентинецот кариерата ќе ја продолжи во Шпанија. Потписот на договорот со Севиља Гомез го стави вчера, додека денес е објавено колку шпанскиот тим платил за услугите на Гомез.

Аталанта сакаше да се ослободи од Гомез, Севиља тоа го искористила и платила само 5.5 милиони евра што е секако малку за таков играч ако се споредат цените кај фудбалерите во денешно време.