Салах доби конкуренција: Селекторе, ослабев 37 килигорами, повикајте ме – имате загарантиран гол!

Поранешниот напаѓач на Египет се обрати до селекторот на својата репрезентација.

Пред нешто повеќе од два месеци во јавноста се појавија слики од поранешната египетска ѕвезда Хосам Хасан Мидо како позира на плажа со очигледно голем број вишок килограми.

Меѓутоа Египќанецот во меѓувреме успеа да ослабе и да дојде до колку-толку прифатлива тежина по што се огласи на Твитер каде што постави фотографија и испрати порака.

„Изгубив 37 килограми, останаа уште 15 кои треба да ги ослабам. Им благодарам на сите кои ме критикуваа! Им благодарам на сите кои ме исмејуваа! Вие го променивте мојот живот и влијаевте на мене да го променам својот стил на живот и повторно да почнам да се грижам за своето здравје. Ви благодарам на сите кои ми помогнавте“, напиша Мидо на својот Твитер профил.

Lost 37 kilos so far.. 15 to go!! Thanks to everyone who criticized me!! Thanks to everyone who mocked me!! You changed my life you made me change my life style to take a good care of my health once more!! Thanks to everyone who helped me to restart my journey again!! pic.twitter.com/pKrroeh4iH

— Mido (@midoahm) May 30, 2018

Покрај тоа Мидо испрати и порака до селекторот на Египет, Ектор Купер.

„Господине Купер, знам дека сте во очајна потрга по напаѓач кој може да ја задржи топката и добро да одигра во контра напад. Постигнував гол на секои два натпревари во дресот на

Египет, така да од мене имате загарантиран погодок, со оглед дека на Мундијалот ќе играме најмалку три натпревари“, се пошегува Мидо со порака до селекторот Купер.

Mr Cuper I know you are desperate for a striker who can hold up the ball for you on the counter attack!! I scored a goal every two games for Egypt so you can guarantee a goal from me at the Worldcup out of the three games in our group!! ??? pic.twitter.com/rtIKMfSFQv

— Mido (@midoahm) May 30, 2018