Роналдо направи трансфер листа – Португалецот „ќе брка“ седум играчи на Реал Мадрид

Улогата на спортски директор на Реал Мадрид за следното лето ја превзеде Кристиано Роналдо.

Португалецот, наводно, нарпавил трансфер листа и му ја доставил на претседателот на „Кралскиот клуб“, Флорентино Перез. Роналдо побарал дури седум играчи од сегашниот состав на Реал да бидат продадени, бидејќи според неговото мислење, немаат квалитет да играат за Мадриѓаните, тврди „ESPN“.

„Метлата“ е спремна за Иско, Кејлор Навас, Маркос Љоренте, Борха Мајорал, Хесус Валехо, Ашраф Хакими и Матео Ковачиќ.

Проблемот со Иско не е во неговиот квалитет, туку во „лошиот став“ кој го покажува надвор од теренот, а според Роналдо, ниту Навас не е толку лош, но Португалецот повеќе на голот би сакал да го види Де Геа, Куртоа или пак Тер Штеген.