Рома ја сака ѕвездата на Ајакс

Раководството на Рома е силно заинтересирано за младата ѕвезда на Ајакс, Џастин Клајверт, пренесуваат италијанските медиуми.

Рома веќе подолго време го следи Клајверт и е спремна наскоро да испрати официјална понуда до холандскиот клуб.

Синот на легендарниот Патрик Клајверт игра одлична сезона со дресот на Ајакс и до овој момент запиша 30 настапи, на кои постигна 8 гола и 4 асистенции.

18-годишниот напаѓач има договор со Ајакс до 2019 година, а за него интерес покажуваат уште Тотенхем и Манчестер Јунајтед.

Меѓутоа, Рома е спремна да ја победи конкуренцијата и наскоро ќе испрати официјална понуда за неговиот потпис.