РК Еурофарм Работник ја продолжи соработката со Кукоски и Чурлевски

Продолжува процесот на формирање на тимот на Еурофарм Работник за следната натпрварувачка сезона. Клубот постигна договор за продолжување на соработката со уште двајца свои ракометари.

Милорад Кукоски се обврза на верност на уште една сезона и ќе остане да ја предводи одбраната на битолскиот суперлигаш. Стружанецот се врати од Романија во Битола и ги оправда очекувањата во својата прва сезона.

Филип Чурлевски, кој игра на позицијата среден бек, во следните две сезони ќе го носи дресот на Еурофарм Работник.