Ристовски: Ако не се подобри ситуацијата, Вардар ќе бара судии од странство за дерби натпреварите

По години поминати на терен исполнети со клупски и репрезентативни радости, успеси па и тагувања, и многу испотени дресови, спортска кариера на Борко Ристовски продолжува повторно во ракометот, но во функција на Извршен директор во Вардар. 

Во намерата да се направи успешно стабилизирање,  и играчки и финансиски, Ристовски e една од македонските легенди кои решија да помогнат во продолжување на патот на најуспешниот ракометен спортски бренд во Македонија.

Сите сакаат да имаат фер услови за натпреварување, и единствено да се размислува како да победи противникот. Доколку има тенденција, и во серија постојано има лошо и пристрасно судење тогаш е нормално да се бараат средства како тоа да прекине.

„Нам ни останува само да се надеваме дека делот со судењето ќе се подобри, генерално за сите. Не бараме судење во ничија корист, туку едноставно – чесност и 50-50, па нека победи подобриот. Се залагаме за ферплеј на теренот и надвор од него. Во крајна мера, ако не се подобри ситуацијата и ако се продолжи со правењето сопки, и има разни игри околу Вардар, кои можеби во минатите години успевале, сега ако не се поправи стуацијата ќе бараме и судии од странство за дерби средбите, за да се добие на чесноста и да нема влијание од различни страни. Треба на терен да ја мериме силата“, изјави Ристовски во интервјуто за клупската страница на РК Вардар.

ЦЕЛОТО ИНТЕРВЈУ МОЖЕТЕ ДА ГО ПРОЧИТАТЕ – ТУКА.