РЕМИ НА ПОЛУВРЕМЕТО: Митрески одличен на голот, во нападот погодува Манасков

Македонија денес во 18:15 на Европското првенство во Хрватска го игра натпреварот против Данска кој нема кој знае какво резултатско значење.

За овој натпревар Раул Гонзалес на трибините го остави нашиот капитен Кире Лазаров.

Натпреварот започна изедначено гол за гол, а Данците во 15 минута од средбата успеаа да стигнат до два гола разлика 7:9, а поголемо водство на противникот во овие моменти спречи Митрески кој запиша една навистина одлична интервенција. Во следниот наш напад Филип Талески намали на 8:9, а неколку моменти подоцна нашиот голман Никола Митрески по една одбрана успеа и да се запише во листата на стрелци за 9:9.

Во финишот од полувреме, Никола Митрески имаше две одлични интервенции, но тоа нашите ракометари не го искористија и на пауза се замина со нерешен резултат 12:12. Најефикасен наш ракометар во првите 30 минути е Дејан Манасков со четири постигнати погодоци.