Реал Мадрид тргнува по Де Лихт

Според пишувањата на шпанските медиуми, Реал Мадрид е силно заинтересиран за дефанзивецот на Јувентус, Матијас де Лихт.

Мино Раиола веќе крои планови да му најде нов клуб што поскоро и на лето Холанѓанецот да направи голем трансфер.

Менаџерот неодамна и јавно потврди дека дефанзивецот може да го напушти Јувентус на крајот на сезоната.

Реал Мадрид сака да ја искористи таквата ситуација и да го донесе 22-годишниот стопер на „Сантиаго Бернабеу“.

Анчелоти сака да ја засили дефанзивната линија и верува дека Холанѓанецот може да биде столб на одбраната во наредните години.

Репрезентативецот на Холандија е убеден дека со тимот од Торино никогаш нема да го освои трофејот во Лигата на шампиони и затоа ќе се обиде за време на летниот преоден рок да направи трансфер.

Раиола веќе имал првични контакти со „кралевите“ кои спремаат богата понуда и сакаат да го донесат во своите редови.