Реал Мадрид се вклучи во трката за Бенасер

Плејмејкерот на Милан, Исмаил Бенасер ова лето ќе биде еден од најбараните на трансфер пазарот, а последен клуб кој се приклучи во трката за неговиот потпис е Реал Мадрид.

ПСЖ и Манчестер Сити од поодамна се интересираат за потписот на Алжирецот, а сега добија голема конкуренција.

Алжирецот на минатиот Афрички Куп на Нации беше прогласен за најдобар на турнирот после што за 16 милиони евра премина од Емполи во Милан.

Бенасер сезонава одигра 23 натпревари за Милан и го привлече вниманието на многу европски гиганти.

Медиумите тврдат дека играчот во договорот има откупна клаузула од 50 милиони евра, па заинтересираните клубови ќе мора да ја платат таа сума ако го сакаат неговиот потпис, бидејќи Милан нема намера да го продаде.