Реал Мадрид одлучи, го враќа Брахим Дијаз

Реал Мадрид одлучи на крајот на сезоната да си го врати Брахим Дијаз, кој е на позајмица во Милан.

Шпанецот е во сопственост на Реал Мадрид, но веќе трета сезона е на позајмица во Милан.

Милан може да го купи Дијаз за 22 милиони евра на крајот на сезоната, но Реал има опција да го врати за 5 милиони евра повеќе.

Наводно „кралевите“ веќе го известиле Милан дека сакаат да го вратат Шпанецот во своите редови и ќе ја платат разликата од 5 милиони евра.

Брахим Дијаз игра добра сезона на „Сан Сиро“, а Реал ќе му понуди нов, побогат договор до 2027 година.

Во Реал веруваат дека Дијаз ќе биде идеална замена за Асенсио, кој заминува како слободен агент.