Реал го стави Јовиќ на продажба

Реал Мадрид сака да се ослободи од напаѓачот Лука Јовиќ, за кого најсериозен интерес покажува Милан.

Србинот не беше во плановите на Зинедин Зидан, а исто така и кај Карло Анчелоти, па Реал сака да се ослободи од него.

Ситуацијата внимателно ја следи Милан, кој е во потрага по напаѓач како алтернатива за Ибрахимовиќ. Прва цел на „росонерите“ е Оливие Жиру, додека Јовиќ е алтернатива.

Двата клуба веќе ги започнале преговорите и Јовиќ би можел да се пресели на „Сан Сиро“ на двегодишна позајмица со задолжителен откуп за 25 милиони евра.

Јовиќ простигна во Реал во 2019 година од Ајнтрахт за 60 милиони евра, но никогаш не ги оправда очекувањата во Мадрид.