Раул се враќа во Реал Мадрид, но како тренер

Една од најголемите легенди во историјата на Реал Мадрид ќе се врати во „кралскиот“ клуб, пренесува „Марка“.

Имено, Раул Гонзалез Бланко ќе започне тренерска кариера во младинската школа на „кралевите“, потврди извор близок до клубот за „Марка“.

Легендарната „седумка“, кој е играч за најмногу одиграни натпревари за Реал Мадрид ќе работи со 18-годишните момчиња од клубот.

Раул играше на „Сантиаго Бернабеу“ од 1994 до 2010 година, а потоа премина во Шалке, Ал Сад и Њујорк Космос. Шпанецот има вкупно 741 натпревар за „кралевите“ и постигнати 323 гола во сите натпреварувања.

.@RaulGonzalez será entrenador https://t.co/eMZNuNHCF3 Vía @jfelixdiaz pic.twitter.com/oQNLBA7JJG

— MARCA (@marca) March 20, 2018

Раул на тренерското место ќе го наследи поранешниот соиграч Алваро Бенито, кој ќе се пресели во една година постариот тим, додека пак Гути ќе го води Б тимот на Реал Мадрид.