Раиола ја откри следната дестинација на Погба

Мино Раиола денес ја разбранува фудбалска Европа со своето интервју што го даде за италијанскиот весник „Титуспорт“.

Раиола категорично изјави дека Погба веќе завршил со Манчестер Јунјатед и порача дека неговиот клиент не е среќен на „Олд Трафорд“.

Договорот на Французинот со Јунајтед истекува во јуни 2022 година, но откако стана јасно дека нема да ја продолжат соработката, извесно е дека Погба ќе си замина на крајот на сезоната.

За Погба интерес покажуваат неколку европски гиганти, а Раиола наговести негово враќање во Јувентус.

„Можеби Јувентус да биде негова дестинација. Зошто да не? Покрај другите работи, односот со клубот и со поранешните соиграчи му е одличен. Во ова време на КОВИД-19, нема мног клубови кои можат да си го дозволат. Најважно е да го сакаат“, порача Раиола.

„Пол е незадоволен од Манчестер Јунајтед бидејќи тој веќе не е во можност да се изрази на начинот на кој би сакал и како што се очекуваше. На Пол му треба нов тим, промена на воздухот“, додаде Раиола.