Пјонтек пред враќање во Серија А

Полскиот напаѓач Криштоф Пјонтек ја напушта Херта.

Овој 25 годишен напаѓач никако не успеа да се вклопи во тимот од Берлин и тој во јануари ќе го напушти тимот од Берлин.

Кариерата Пјонтек ќе ја продолжи во Џенова, тимот каде што „експлодираше“ во сезоната 2018/2019 после што направи трансфер во Милан.

Меѓутоа од заминување од Џенова Пјонтек не се снајде најдобро. Во Милан не играше со таква форма, со исклучок на почетните неколку натпревари. Минатиот јануари тој го напушти Милан и се пресели во Херта за 27 милиони евра.

Една година подоцна тој се враќа во клубот каде што му одеше најдобро и каде што на 21 натпревар постигна 19 голови. Оваа сезона Пјонтек постигна само осум голови на 26 настапи.