Пјаниќ го допре дното, не го сака ниту Бешикташ

Кариерата на Миралем Пјаниќ тргна во надолна линија откако направи трансфер во Барселона.

Босанскиот плејмејкер пристигна на „Камп Ноу“ како големо засилување, но не ги оправда очекувањата, па во летото се пресели на позајмица во Бешикташ.

Меѓутоа, сега и турскиот клуб не е задоволен од Пјаниќ и сака да ја прекине позајмицата уште во јануари.

Според медиумите, Бешикташ не е задоволен од настапите на 31-годишниот Босанец на последните натпревари и сака да го врати играчот во клубот кој го поседува.

Пјаниќ во досегашниот дел од сезоната одигра 11 меча за Бешикташ на кои не постигна ниту еден гол.