Пропаѓа ли договорот за најголемиот боксерски меч?

Неодамна беше потпишан договор за две борби помеѓу Ентони Џошуа и Тајсон Фјури, но преговорите околу последните детали се уште траат.

Не се знае ниту локацијата, ниту датумот на борбата. Неодамна Фјури објави дека 10. април е краен рок за договор околу локацијата, а сега неговиот татко ги нападна промоторите Боб Арум,м Франк Варен и Еди Херн. Тој смета дека се уште не се најдени пари.

„Нема пари! Никој не сака да плати толку многу пари за борба без публика…Само Саудијците имаат пари, но ниту тие не скокнаа за ова да се реализира. Нели е така? Ќе ви кажам и зошто се случува: Ова е погрешен момент за борбата, времето е погрешно“, изјави Џон Фјури.

31 годишниот Џошуа ги држи титулите во ИБФ, ВБО и ВБА, а неговиот една година постар сонародник е шампион во ВБЦ откако го победи Деонтај Вајлдер.