Проблеми за Лукаку и Ибрахимовиќ: Добиваат дополнителна суспензија?

Златан Ибрахимовиќ и Ромелу Лукаку имаа жестока расправија, а малку фалеше и да дојде до физичка пресметка на „Сан Сиро“.

Ибра започна да го провоцира Лукаку кој буквално збесна и Белгиецот беше едвај смирен. На крајот за таа расправија двајцата добија по еден натпревар суспензија, но тоа изгледа како премала казна.

Овој инцидент сега може да има второ полувреме.

Имено, обвинителството на ФС Италија добило аудио и видео снимки и започна истрага која ќе биде завршена по итна постапка. Судијата Валери не запишал некои детали па Дисциплинската комисија не можела да расправа на таа тема, сега топката е префрлена на Обвинителството на ФС Италија.

Така Ибра и Лукаку би можеле да бидат дополнително казнети со уште некој натпревар што секако би било проблем.