Пред 16 години Лејтон Хјуит и денес Данил Медведев, вакво нешто на АТП листата не се случило од 2005

Новак Ѓоковиќ продолжува да доминира на АТП листата, од денес тој ја минува неговата 312 недела како лидер и со тоа е рекордер.

Меѓутоа денес во центарот на вниманието на спортската јавност е Русинот Данил Медведев кој за првпат од 2005 година ја растури „големата четвртока“. За првпат од 2005 година некој кој не е дел од таа „голема четворка“ е втор на АТП листата.

Медведев со вчерашниот триумф ја потврди одличната форма и го симна Надал од второто место.

Последен тенисер кој бил втор, а тоа да не е Федерер, Надал, Ѓоковиќ или Мареј беше Лејтон Хјуит пред 16 години.