Пред еден месец имаше срцев удар. Погледнете како изгледаше враќањето во клубот

Капитенот на англискиот премиерлигаш Лутон Таун, Том Локер (29) ги посети своите соиграчи на тренингот на клубот еден месец откако доживеа срцев удар за време на натпреварот во Премиер лигата против Борнмут. Локер падна во 59. минута од натпреварот во средината на декември.

Лекарите на двата клуба веднаш притрчале на помош, а по лекарската интервенција тој се освестил. Веднаш бил пренесен во болница каде што му бил инсталиран ICD (Implantable Cardioverter Defibrillator).

„Навистина уживав кога ги гледав сите момци. Не сум ги видел од она што се случи, па навистина ми е убаво да ги видам сите“, рече 29-годишниот дефанзивец, а клубот објави видео од неговото враќање на социјалните мрежи.

Да си активен цел живот, не само фудбалски, туку општо во се останато, а потоа ти велат дека не можеш ништо, беше доста тешко“, додаде тој.

Средбата со соиграчите и менаџерот на Лутон, Роб Едвардс, беше полна со емоции. „Успеав да издржам, но беше емотивно. Беше многу тешко време пред се за неговото семејство, но беше одлично за нас што го видовме“, рече Едвардс.

„Тој е импресивна и фокусирана личност. Има процес на рехабилитација, но оди полека, има дете на пат и тоа е неговиот главен фокус“, додаде тој.

Лутон Таун моментално е во зоната за испаѓање, односно на 18. место во Премиер лигата со 16 бодови. На последните две позиции се Барнли со 12 и Шефилд Јунајтед со десет бодови.

Great to see you, skipper! 🤝 pic.twitter.com/VqaOV99495

— Luton Town FC (@LutonTown) January 29, 2024