Преговорите во напредна фаза: Сусо се сели во Шпанија

Италијанските медиуми пренесуваат дека Милан би можел да го продаде Сусо во зимскиот преоден рок.

За 26-годишниот Шпанец силен интерес покажува Севиља, која е спремна да понуди 25 милиони евра.

Сусо оваа сезона не игра на посакуваното ниво и Милан е спремен да го продаде, но за неговата слобода бара 30 милиони евра.

Двата клуба се во напредни преговори и се очекува во наредните денови со вклучлување на бонуси да биде „испеглана“ разликата од 5 милиони евра.

Оваа сезона Сусо настапи на 15 натпревари во Серија А, на кои постигна еден гол и две асистенции. Неговиот договор со Милан важи до 30 јуни 2022 година.