Прво изненадување на Евробаскетот: Французите шокирани од домаќините

Французите одиграа катастрофален натпревар на стартот на Евробаскетот и беа поразени од домаќинот Германија со 76:63.

Германците го направија првото големо изненадување на шампионатот, надиграна е Франција која според многумина кошаркарски експерти важи за еден од фаворитите за трофејот.

Трпеливо Германија ја градеше играта од самиот старт. Не ги губеа нервите во воведните минути кога тешко погодуваа. Меѓутоа и Французите не беа ништо подобри. Во првата четвртина беа запрени на само 13 поени, а за нијанса беа подобри во вториот уфрлија 18 поени, а потоа во третата постигнаа само 12.

Беше тоа период кога Германија изгледаше како НБА екипа. Имаа брзи контри, атрактивни асистенции и сигурна реализација. Во последната четвртина Франција се обиде да направи нешто, но не успеаа. Едноставно Германија имаше повеќе енергија и паметно играше.