Прашање до Кавани и Нејмар: Што ќе направевте да бевте во ситуацијата на Трезеге и Дел Пиеро?

Едисон Кавани и Нејмар овие денови се во центарот на вниманието поради фамозниот пенал во натпреварот против Лион.

Да потсетиме, Нејмар му пријде на Кавани и побара да го изведе пеналот, но Уругваецот тоа го одби, шутираше и промаши.

Подоцна Нејмар се жалеше кај сопствениците на ПСЖ и бараше Кавани да биде продаден, а како резултат на нивниот конфликт на роденденот на капитенот на тимот Тијаго Силва присуствуваа сите освен Кавани. Значи, јасно е, Кавани и Нејмар не се во добри односи и сето само поради еден пенал во натпревар кој веќе беше одлучен, бидејќи клубот од Париз веќе имаше предност од 2:0.

Но, таков е денешниот фудбал. Ќе те платат 222 милиони евра, а ти возвраќаш со проблеми поради само еден пенал. Кавани е тој кој сепак има поголемо влијание во клубот, бидејќи неколку години е дел од ПСЖ.

Како и да е, сигурно не убаво двете големи ѕвезди да бидат во конфликт. Сега да се вратиме во 2008 година и да се потсетиме како две фудбалски икони решија ваков сличен проблем.

Јувентус играше против Сампдорија, последен натпревар во сезоната, Алесандро Дел Пиеро и Давид Трезеге имаат по 19 погодоци и се борат за титулата најдобар стрелец. Досуден беше пенал и наместо расправија и проблеми, тие ситуацијата ја решаваат на другарски начин.

Трезеге го препушти пеналот на Дел Пиеро кој беше прецизен, на крајот титулата за најдобар стрелец ја освои големиот Алекс.

Но, ете, ова е само еден пример како две легенди одлучија меѓусебе, а Нејмар и Кавани сепак се дел од некое време каде што личните интереси се ставаат пред клубските.