Потрошија 85 милиони евра, но тоа не е се, Клоп тргнува по нов дефанзивец!

Екипата на Ливерпул нема намера да застане ниту по купувањето на Вирџил Ван Дијк за кого платија 85 милиони евра и така го направија најскапиот дефанзивец во историјата.

Според англиските медиуми, на мета на „црвените“ повторно е дефанзивец и тоа 22 годишниот Мануел Акањи од Базел кој е и репрезентативец на Швајцарија и кој одлично игра оваа сезона.

Во Лигата на шампионите беше командант на одбраната која во натпреварите против Бенфика, ЦСКА и Манчестер Јунајтед успеа да не прими погодок. Акањи во групната фаза одигра 540 минути.

Младиот дефанзивец со нигериско потекло во последните шест месеци успеа да стигне и до место во репрезентацијата на Швајцарија каде што стана незаменлив член.

Според информациите Ливерпул има намера да го доведе Акањи пред почетокот на Светското првенство каде што се очекува да прикаже одлични настапи и со самото тоа неговата цена која сега изнесува околу 20 милиони евра, да порасне.