Постои фудбалер на кој и Меси му се восхитува!

На клупски план Меси освои апсолутно се, а голема помош за тоа имаше и од одличните соиграчи кои му беа голема поддршка во Барселона.

Сепак, еден фудбалер остави посебен впечаток кај Меси, а тоа е Андрес Иниста.

„Андрес и јас сме многу слични фудбалери. Многу го користиме телото за да му избегаме на противниците, но тој има нешто што ме восхитува. Кога и да помислите дека некој ќе му ја земе топката, тоа е невозможно. Не е брз, но со еден потег ве остава позади себе. Андрес има неверојатна техника и сигурно е еден од најдобрите во светот“, истакна Меси.

Од 2004 година овие двајца заедно играат во Барселона и во тој период освоија дури 8 титули во Примера и четири трофеи во Лигата на шампиони.

Меси во тој период дури пет пати беше прогласиван за најдобар фудбалер на светот, а голем број љубители на фудбалот сметаат дека барем еднаш „Златната топка“ моаше да заврши во рацете на Иниста.