Поставена статуа од Коби и неговата ќерка на местото на несреќата 📸

На местото каде што се случи хеликоптерската несреќа во која загина легендарниот кошаркар Коби Брајант е поставен споменик во негова чест.

Поранешниот кошаркар на Лејкерси го загуби животот на 26. јануари 2020 година заедно со неговата ќерка Џијана и уште седум лица. Сега, две години по трагедијата на местото на несреќата е поставена статуа која ја изработи скулпторот Ден Медина.

На споменикот се Коби и неговата ќерка, но исто така се испишани имињата на сите лица кои тој ден го загубија животот. Покрај тоа стои и фразата:

„Хероите доаѓаат и си одат, но легендите се вечни“.