Поранешниот фудбалер на Милан и Интер на проба кај Сидорф

Само што пристигна, а веќе си избра и засилување.

Депортиво Ла Коруња пред само неколку дена го претстави Кларен Сидорф како нов менаџер. За Холанѓанецот ова е трет клуб кој го води самостојно во својата тренерска кариера.

Прославениот фудбалер веќе започна со работа и создавување тим по свој вкус. Имено на проба на „Риазор“ пристигнува искуснит фудбалер за врска од Гана, Сали Мунтари.

Поранешниот фудбалер на Удинезе, Портсмунт, Интер и Милан доаѓа како слободен фудабалер. Мунтари е без клуб уште од минатото лето кога му заврши договорот со Пескара.

На официјалниот сајт на Депортиво беше објавено дека Мунтари утре ќе им се придружи на новите соиграчи и преку тренинзите со првиот тим ќе се обиде да стигне до договор.

Muntari se incorporará mañana a los entrenamientos del Deportivo https://t.co/Tyx1MG63z4 #Dépor pic.twitter.com/hIwGGHLPN6

— RC Deportivo (@RCDeportivo) February 8, 2018