Порака од Баерн до Левандовски: Има договор со нас и го очекуваме на тренинг!

Спортскиот директор на Баерн, Хасан Салихамиџиќ изјави дека клубот не сака да ја отвори вратата за заминување на Роберт Левандовски, иако во баварскиот тим од Ливерпул пристигна напаѓачот Садио Мане. Левандовски од друга страна сака кариерата да ја продолжи во Барселона.

„Нашиот став по ова прашање е јасен, Левандовски има договор со нас до летото 2023 година“, изјави Салихамиџиќ за „Билд“.

Салихамиџиќ ја отфрли можноста да си замине дури и ако Барселона понуди значително поголема сума за полскиот голгетер.

„Не се занимавам со тоа. Го очекуваме Роберт на тренинг на 12 јули“, додаде спортскиот директор на Баерн.