ПОНУДАТА ПРИСТИГНА: Мина на чекор до клубот од Премиер лигата

Стоперот на Барселона, Џери Мина наводно е многу блиску до траснфер во Евертон за 17 милиони евра.

Каталонците во јануари платија 11,6 милиони евра за 23-годишниот фудбал, но тој одигра само пет натпревари до крајот на сезоната. Меѓутоа, импресионираше на Мундијалот во дресот на Колумбија, постигна дури три гола и ја зголеми својата цена.

Како што се наведува, Мина со „Карамелите“ ги договорил условите и се чека само благословот од Барселона, тоа не би требало да биде проблем со оглед на тоа што Пике и Умтити се стандарден стоперски тандем, Вермален им е замена, а неодамна од Севиља пристигна и Келман Ленгл.

Пред само неколку дена Мина изјави дека ќе се бори за место под сонцето во Барса, но изгледа дека работите се променија. Освен Евертон кој во моментов е најблиску, уште неколку тимови се заинтересирани за Колумбиецот – Лестер, Вест Хем, Вулверхемптон, Зенит, Лион…