Полувреме: Младинците имаат негатива против Ф.Острови, Антовски ја стресе пречката!

Македонската фудбалска репрезентација до 21 година денес го игра натпреварот од квалификациите во Европското првенство против Фарски Острови на гостински терен.

После првите 45 минути Фарски Острови имаат водство од 1:0. До предност домаќинот дојде во една од своите први шанси уште во седмата минута кога Денковски беше совладан од Андрас Јохансен.

Македонија во продолжение создаде две одлични прилики прво преку Лука Трајкоски кој шутираше некаде од работ на шеснаесетникот кон средината на полувремето, а потоа и преку Филип Антовски во 36. минута кој се закани од далечина, неговиот удар заврши во пречката.

Тоа беа и двете наши најголеми шанси да стигнеме до гол во првиот дел.