Полицијата му го конфискува телефонот на Нејмар

Бразилскиот фудбалски репрезентативец и ѕвезда на ПСЖ, Нејмар се соочуваа со петгодишна затворска казна. Тој е осомничен за силување, а полицијата му го конфискува мобилниот телефон.

Според бразилските медиуми, против Нејмар е покренато обвинение и тој требаше на 7 јуни да даде изјава во полиција во врска со случајот, но постапката е одложена за неколку дена поради репрезентативните обврски.

Бразилската полиција го конфискува и телефонот на девојката која го обвини Нејмар за силување. Истрага ќе се спроведе и поради фактот што Нејмар ги објави интимните слики на девојката.

Во Бразил, таков чин се смета за кривично дело. Девојката чие име не е обелоденето, поднесе пријава до полицијата, дека била силувана од Нејмар на 15 мај во хотел во Париз.