Победа на Македонија во Шафхаузен за „две од две“!

Македонија заедно со Данска има две победи од два натпревари во квалификациите за Европското првенство во групата 7.

Денес Македонија прикажа подобра игра од дуелот против Финска и се враќа од Шафхаузен со победа од 23:25. Со овој триумф Македонија направи голем скок кон ЕП 2022 без разлика што има уште четири кола.

Во натпреварот против Швајцарија Македонија покажа зрелост во најважните моменти и на крајот тоа беше одлучувачки за триумф. Натпреварот го решивме во последните 15 минути. Швајцарија тогаш направи плус три, Брестовац повика тајм-аут и Македонија од тој моменто одигра пет ипол минути без примен гол за серија од 5:0.

До крајот успешно ја одржувавме предност и запишавме важен триумф.