Плаќа, не прашува: Милан нуди 40 милиони евра за Ренато Санчес

По ангажманот на Леонардо Бонучи, Милан продолжува со активностите на фудбалскиот пазар. Италијанските медиуми објавија дека „росонерите“ испратија официјална понуда до Баерн за Ренато Санчес.

Милан нуди 40 милиони евра плус 20 милиони евра бонуси за фудбалерот.

Младиот Португалец минатата сезона не се изнаигра во германскиот првак и затоа е можно да ја промени средината со цел да биде стандарден првотимец.

Неговиот менаџер рекол дека ќе стори се што може да се оствари трансферот доколку Милан даде разумна понуда, па останува сега да се види одговорот.