Перез: Луксуз е да се има кошаркар како Дончиќ

Претседателот на Реал Мадрид, Флорентино Перез, изјави дека клубот ќе се обиде да го задржи Лука Дончиќ во својот што е можно подолго.

Во интервју за шпански „El Espanol“ Перез истакна дека е луксуз да се има кошаркар како Дончиќ во својот тим.

„Да го имаш Дончиќ секој ден во тимот е навистина луксуз. Зборуваме за еден од најдобрите играчи во светот, иако има само 18 години“, изјави Перез.

Претседателот на „кралевите“ истакна дека на Дончиќ му посакува се најдобро во професионална кариера, но и дека ќе се обиде да го задржи колку што е можно подолго во Европа.

„Сите сакаме неговата професионална кариера да биде што подобра, но исто така сакаме да го задржиме колку што е можно подолго“, изјави Перез, алудирајќи на тоа дека Дончиќ наредната година многу веројатно би можел да настапува во НБА лигата.