Официјално: ФИГЦ побара полн капацитет за бражот против Македонија!

Италијанската фудбалска федерација побара од здравствените власти мечот од баражот за Светското првенство да се игра пред полни трибините.

Ваквите најави беа уште пред еден месец кога европскиот шампион најави дека натпреварот со Македонија ќе биде првиот кој ќе се одигра на Апенините пред полн капацитет псоле цели две години од почетокот на пандемијата.

Првиот човек на ФИГЦ, Габриеле Гравина испратил писмо до министерот за здравство Роберто Спаренца овој натпревар да биде изземен од ковид-рестрикциите и да се дозволи до сто отсто од капацитетот.

До натпреваро има уште 13 дена па се очекува брз одговор. Ќе потсетиме досегашните околи 24.000 билети кои беа пуштени во продажба за Италијанците се веќе распродадени. Натпреварот е закажан за 24. март во 20:45 часот.