Официјално: Милан Ристовски промовиран во Спартак Трнава

Младинскиот репрезентативец на Македонија Милан Ристовски е промовиран во Спартак Трнава.

Ристовски е напаѓач на Ријека, а сега во потрага по минутажа ќе игра повторно во Словачка каде што веќе го носеше дресот на Нитра.

Пред пет месеци Ристовски се здоби со фрактура на левата нога и зад него е период на рехабилистација, сега е скоро спремен за настап за Трнава. На позајмица во Трнава младиот напаѓач ќе биде до крајот на јуни, тогаш се очекува да се врати во Хрватска.

Ќе потсетиме, Ристовски е брат на македонскиот сениорски репрезентативец Стефан Ристовски кој вчера беше промовиран како нов играч на Динамо Загреб.