Официјално: Диего Коста го напушти Атлетико Мадрид

Диего Коста и Атлетико Мадрид официјално се разделија.

Коста минатата недела побара од Атлетико да биде ослобен во последните шест месеци, а клубот му ја исполни желбата.

„Атлетико и Диего Коста се согласија за прекин на соработката кој требаше да трае до 30. јуни. 2021 година. Бразилецот со шпански пасош поради лични причини побара да замине и денес беа потпишани документите за терминација на договорот“, стоеше во објавата.

Според специјалната клазула, Диего Коста ќе мора да му плати 25 милиони евра ако се пресели во Барселона, Реал Мадрид и Севиља кои одредени како ривали на клубот.