Италијанскиот репрезентативец Марио Балотели ќе остане во Ница најмалку уште една сезона, објави францускиот клуб на својата официјална веб-страница.
Ова ќе биде трета сезона во дресот на Ница за 28-годишниот фудбалер.
Салах руши рекорди! Викендов две големи дербија во Премиер Лига! ↓↓↓
Балотели на последниот натпревар во минатата сезона се прости од навивачите на Ница, зашто беше сигурен дека ќе го напушти клубот. Интерес за него покажаа неколку клубови, но Балотели не беше задоволен со нивните понуди.
Додека ја чекаше вистинската понуда, сезоната во Франција почна и сега е јасно дека Балотели ќе остане во Ница.
„Одлуката е донесена. Марио реши да остане во Ница. Тој својата одлука ја соопшти на клубот и покажа желба да биде дел од екипата. Ние тоа го прифативме и Балотели од утре ќе тренира со нас“, соопштија на официјалната страна на Ница.
Учество во игри на среќа е дозволено за лица со 18+ години. Играј одговорно!