Откриени детали: Познато зошто се степале Коман и Левандовски на тренингот на Баерн

Роберт Левандовски и Кингсли Коман и понатаму се во центарот на вниманието откако се степаа на тренингот на Баерн во четвртокот.

Оваа вест ги шокираше навивачите на германскиот клуб и веруваа дека се работи за лажна информација, но не беа во право. Тренерот на овој клуб, Нико Ковач вчера потврди дека дошло до тепачка и дека главни актери биле Левандовски и Коман.

„Да се случи нешто непосакувано. Но, ние тројца после тренингот разговаравме и двајцата се извинија, жал им е за тоа што се случи“, гласеше изјавата на Ковач.

Исто, така објавено е дека Левандовски ги изгубил нервите бидејќи сметал дека Коман не го сфаќа сериозно тренингот и одлучил да му одржи предавање, но Коман не бил премногу расположен да го слуша полскиот напаѓач.

Левандовски потоа физички го нападнал Коман, а останатите играчи реагирале на време и спречиле да дојде до уште поголем инцидент. Германски „Билд“ и утрово пишуваше за скандалот во клубот од Минхен и донесе детални информации од ситуацијата.

„Роберт Левандовски веќе подолго време е лут на Коман поради неговиот однос кон натпреварите и посебно тренинзите. Причината е што премногу дрибла и многу малку додава, а скоро никогаш не уфрлувал топка за Левандовски. Левандовски посебно бил лут за натпреварот кој Баерн го изгуби од Леверкузен“, пишува утрово „Билд.