Озил доби јавна покана, ќе ја прифати ли понудата?

Mесут Озил е некој за кој многу се зборува во последните неколку месеци.

Од доаѓањето на Унаи Емери во Арсенал своето место под „сонцето“ го бара Месут Озил.

Овој германски плејмејкер има проблеми да се вклопи во неговиот систем, потребно е повеќе трчање за разлика од она што го играше кај Венгер, што на Германецот не му одоговара.

Поради тоа иако е најплатен играч на Арсенал често пати седи на клупата за резерви.

Се споменуваше негово заминување, како и дека е на трансфер листата.

Според последните информации голем интерес за Озил покажал тимот на Дејвид Бекам, Интер Мајами. Наводно Бекам има намера да го доведе Озил во 2020 година кога неговиот клуб ќе започне да се натпреварува.

Но, тоа решение се споменува како решение за во иднина.

Како второ решение се споменува Турција. Познато е дека Озил има силни врски со оваа земја, го докажа тоа со фотографијата на која беше со Ердоган.

Ако се суди според зборовите на претседателот на Башакешир, Гоксел Гумсдаг, овој клуб сака да го види Озил во своите редови.

„Озил е одличен играч…Се надевам дека еден ден патот ќе го доведе во Инстанбул, ако тој сака да игра за нас ние ќе направиме се за да го доведеме“, изјави Гумсдаг.

https://www.youtube.com/watch?v=yFNJNCxmKAc&t=1s