Озил во следните денови го напушта Арсенал

Германскиот фудбалер Месут Озил (31) многу брзо ќе го напушти тимот на Арсенал.

31-годишниот фудбалер својата кариера ќе ја продолжи во редовите на Фенербахче, каде треба да игра како позајмен играч до крајот на сезоната, а тимот од Истанбул ќе има опција да го откупи неговиот договор.

Спортскиот директор на Фенербахче, Дамјан Комоли ќе пристигне во Лондон до крајот на неделава за ја заврши работата со Арсенал, а Озил, наводно, веќе се согласил да го облече дресот на Фенер.

Така Озил за прв пат ќе игра во својата земја на потекло. Тој претходно настапуваше за Шалке, Вердер и Реал Мадрид, а од 2013 година е член на Топџиите.

Германскиот фудбалер одигра вкупно 241 натпревар во дресот на Арсенал и постигна 43 гола.