Од Баерн потврдија: Ќе потрошиме најмногу во историјата!

Баерн Минхен е подготвен да направи голема реконструкција на тимот.

Гигантот од Минхен најавува големи промени во летниот преоден рок. Штедење нема да има, а според зборовите на претседателот на клубот Ули Хенес. Баерн ќе го ина најголемото вложување во историјата.

Во Минхен наредната сезона ќе играат многу нови фудбалери. Посебно ќе се трошат пари на млади фудбалери.

Изјавата на Хенес за германските медиуми е одлична вест за навивачите на Баерн.3

„Сакаме да го подмладиме нашиот тим и ќе вложиме најмногу во историјата на Баерн“, јасно порача првиот човек на германскиот гигант.

Тоа значи дека издвоената сума ќе биде многу поголема од досегашниот рекорд. Баварците во сезоната 2017/2018 потрошија 116 милиони евра на седум нови фудбалери, а толку ќе потрошат сега само на двајца.

За Французите Лукас Хернандез и Бенџамин Павар Баерн ќе плати вкупно 115 милиони евра, а се шпекулира и за уште неколку фудбалери. Вчера се појави вест и дека Баерн е пред обезбедување на потписот на фудбалерот на Лил, Николас Пепе за сума од 80 милиони евра (тука). Голема желба на Баерн е и Калум Хадсон Одои од Челзи, но „сините“ веќе одбија неколку понуди од Германците.