Одличниот Јокиќ го водеше Денвер до нова победа, Лејкерси конечно победија 🎥

Кошаркарите на Денвер вчера стигнаа до победа против Мемфис од 120:96, а уште еден одличен меч одигра српскиот кошаркар Никола Јокиќ.

Денвер и Мемфис одиграа интересен натпревар кој беше решен во последната четвртина кога кошаркарите на Денвер успеаа да го „скршат“ натпреварот и да дојдат до 40. Победа оваа сезона во НБА.

После првата четвртина Денвер водеше со 21:18, додека на пауза се замина со резултат 58:53 за Денвер. Мемфис држеше приклучок  и после третата четвртина, но потоа во последнета четврти се беше решено. Денвер последната четвртина ја доби со 35:21 и на крајот заслужено славеше со 120:96. Повторно еден од најдобрите на паркетот беше Јокиќ кој игра одлична сезона.

Јокиќ успеа да запише дабл-дабл со 24 поени, 15 скокови и 5 асистенции и ја водеше својата екипа до победа. Најефикасен кај Денвер беше Мајкл Портер со 31 поен Во екипатана Мемфис вчера расположен беше Морант кој уфрли 27 поени и додаде по шест скокови и шест асистенции. Но тоа не беше доволно неговата екипа да го избегне поразот.

Одличен натпревар вчера одиграа Сакраменто и Далас, а на крајот славеа Кингси со 113:106. Сакраменто до победата ги предводеше Холмес со 24 поени и шест скокови, додека во екипата на Маверикс повторно најдобар беше Дончиќ со 24 поени, 8 асистенции и 7 скокови.

Лејкерси конечно ја прекинаа серијата порази и славеа после три натпревари. Актуелните шампиони триумфираа против Орландо со 114:103. До победата Лејкерси ги водеше Денис Шродер со 21 поен и 10 асистенции, додека Ентони Дејвис додаде 18 поени, 8 скокови и 3 асистенции.